- ei sanseleg, morosam og poetisk barneforestilling om starten av menneskelivet. I forestillinga blir barna invitert inn i livmora saman med ho som i løpet av forestillinga skal utvikle seg til å bli mennesket Liv. Inni magen dukkar uslitelege Placenta opp, og blir Livs trufaste ven og mentor. I dette raude universet skal Liv vokse og få eit hjerte som slår, armar som kan bokse og bein som kan sparke, og til slutt: lunger som er klare for å puste - så er ho klar for å kome ut og møte mamma.

Forestillinga blei til etter Melanie Dahl sin idé. Manus er ved Nelly Winterhalder, og det er Unge Viken teater som er produsent. Eg speler Placenta og mor. Fra 2021-23 var Liv i mor på barnehageturné i Viken. Følg med for oppdateringar på forestillinga sitt vidare liv!