Arbeid ved Teatret Vårt
I åra 2010-12 spelte eg i sju heilaftens produksjonar ved Teatret Vårt, i tillegg til fleire turnéar i DKS. Eg debuterte på teatret som det skadeskutte einebarnet Heidi Hoan i Henning Mankells En høstkveld før stillheten (regi Carl Morten Amundsen).
I fleire produksjonar arbeidde eg med den tyske regissøren Uwe Cramer. Ein av desse var Merz! (2012), som var opningsforestillinga på det nye teater-/jazzhuset i Molde, kalt Plassen.
Åra i Molde etterlot meg med brei og verdifull erfaring som skodespelar, i tillegg til ein kjærleik for Romsdal som eg som sunnmøring ikkje trudde eg hadde rom for i meg...I 2020 var eg tilbake ved Teatret Vårt for ungdomsforestillinga Stjernemateriale (av Mattias Andersson, regi Vera Krohn Svaleng).
Bilda er tatt av Tingh.